Facebook-მა არასამთავრობო ორგანიზაციებისათვის ფონდების მოძიებისა და დონორების ჩართულობის გზები ახალი ვებ-საიტის nonprofits.fb.com შექმნით გაამარტივა.


“ჩვენი შთაგონების წყარო იყო იმ ადამიანების ძალისხმევა, ვინც ასე ცდილობს გააუმჯობესოს სხვებისა და ზოგადად საზოგადოების ცხოვრება. ჩვენი მიზანია, მათ უფრო მეტი კარგი რამ გააკეთონ ფეისბუქის მეშვეობით”, - ნათქვამია სოციალური ქსელის განცხადებაში.


არასამთავრობოებისათვის განკუთვნილი ახალი საიტი ორგანიზაციებსა და კერძო პირებს ასწავლის თუ როგორ უნდა გაზარდონ მათი საქმიანობის ცნობადობა, შემოწირულობების მოსაძიებელი კამპანიების არეალი და მოქალაქეების ჩართულობა. გარდა ამისა, მათ ერთმანეთთან დაკავშირება უფრო ამრტივად შეეძლებათ.


როგორც სოციალური ქსელის განცხადებაშია განმარტებული, ახალ საიტზე არცერთი ღილაკი არ არის ახალი, მაგალითად, დონაციის ღილაკი” აგვისტოში შეიქმნა. ყველა ის საშუალება, რასაც ორგანიზაციები საქველმოქმედო მიზნით იყენებდნენ აქამდე, ერთად არის თავმოყრილი. ამ დროისთვის საიტი მხოლოდ ინგლისურ ენაზეა ხელმისაწვდომი.

იმისათვის, რომ საიტზე გაწევრიანდე, უნდა გქონდეს საჯარო გვერდი შენი ჯგუფისთვის. ასევე, ყველას შეუძლია “დონაციის ღილაკის” დამატება, თუ ფეისბუქს ოფიციალურად აქვს აღიარებული ორგანიზაციის საქველმოქმედო საქმიანობა.